Crynodeb data newydd: Am ba hyd mae pobl yn gweithio ym maes gofal cymdeithasol, a pham maen nhw'n gadael?
Rydym wedi cyhoeddi ein crynodeb data diweddaraf, sy'n edrych ar ba mor hir mae pobl yn gweithio ym maes gofal cymdeithasol, a pham maen nhw'n gadael.
Mae'r crynodeb hwn yn defnyddio data o'r Gofrestr yng Nghymru i archwilio a all roi cipolwg i ni ar recriwtio a chadw staff.
Mae'n cynnwys:
- am ba hyd mae pobl wedi bod yn eu swydd bresennol a beth mae hynny'n ei ddweud wrthym am aros ym maes gofal cymdeithasol yn y tymor hir
- cymysgedd oedran y gweithlu a beth mae'n ei olygu ar gyfer cynllunio ar gyfer y dyfodol
- pam mae pobl yn gadael gofal cymdeithasol a beth mae hyn yn ei ddweud wrthym am heriau cadw staff.
Darllenwch y crynodeb data newydd yma
Am ba hyd mae pobl yn gweithio mewn gofal cymdeithasol, a pham maen nhw'n gadael?
Pam mae crynodebau data yn bwysig
Mae ein crynodebau data yn eich helpu i wneud penderfyniadau gwybodus yn seiliedig ar ddata bywyd go iawn. Maent yn dwyn ynghyd fewnwelediadau o amrywiaeth o ffynonellau i roi darlun clir i chi o'r hyn sy'n digwydd ym maes gofal cymdeithasol yng Nghymru.
Mae crynodebau data wedi'u cynllunio i wneud gwybodaeth gymhleth yn hygyrch ac yn ymarferol. Maent yn tynnu sylw at batrymau, heriau a chyfleoedd ym maes gofal cymdeithasol, gan helpu gweithwyr proffesiynol, llunwyr polisi a'r cyhoedd i ddeall y darlun ehangach.
Archwiliwch grynodebau blaenorol
Os nad ydych wedi gweld ein crynodebau data cynharach, edrychwch ar yr hyn rydym eisoes wedi'i gyhoeddi:
- Sut mae pobl yn teimlo am ofal cymdeithasol yng Nghymru?
- Ydy gofalwyr di-dâl Cymru yn colli cyfle i gael cymorth?
- Plant yng Nghymru mewn perygl o ddioddef camfanteisio
- Gwerth economaidd gofal cymdeithasol i oedolion yng Nghymru
Gallwch ddod o hyd i'r rhain i gyd ar ein tudalen crynodebau data.