Porth data gofal cymdeithasol cenedlaethol Cymru

Rydyn ni yma i'ch helpu chi i ddod o hyd i’r data sydd ei angen i wneud penderfyniadau ar sail gwybodaeth yn eich gwaith.

Gallwch chi archwilio data am ofal cymdeithasol a phynciau cysylltiedig ar Borth Data Gofal Cymdeithasol Cenedlaethol Cymru.

Mae’r porth yn dod â data ar ofal cymdeithasol yng Nghymru at ei gilydd, a’i nod yw sicrhau bod data yn hawdd i'w ddarganfod a’i ddefnyddio.

Gallwch chi edrych ar y data mewn gwahanol ffyrdd, fel gweld y data crai neu archwilio delweddau. Rydyn ni hefyd yn cyhoeddi erthyglau sy’n rhoi mewnwelediad am y testunau data sydd gan y porth, yn ogystal â rhagamcanion data ar gyfer cynllunio.

Daw’r data o nifer o wahanol ffynonellau, gan gynnwys Stats Cymru.

Rydyn ni hefyd yn cynnwys ystod o ddata Gofal Cymdeithasol Cymru. Mae hyn yn cynnwys data gan ddarparwyr ac awdurdodau lleol am eu gweithlu, a gwybodaeth am y gweithlu gofal cymdeithasol sy’n cofrestru gyda ni.

Prif gysylltiadau

Owen Davies

Rheolwr Data a Gwybodaeth

data@gofalcymdeithasol.cymru

Rwy’n arwain ar ddatblygu a gweithredu’r dull strategol o ymdrin â data gofal cymdeithasol yng Nghymru. Mae hyn yn golygu helpu pobl a sefydliadau sy’n gweithio ym maes gofal cymdeithasol yng Nghymru i fod yn well am gasglu, defnyddio a rhannu eu data. Rwyf hefyd yn rheoli tîm o weithwyr data proffesiynol yng Ngofal Cymdeithasol Cymru i gyflawni ein strategaeth ac i reoli data Gofal Cymdeithasol Cymru ei hun. Rwyf wedi treulio’r rhan fwyaf o fy ngyrfa yn gweithio mewn rolau data a digidol mewn gofal cymdeithasol. Gweithiais i awdurdod lleol am dros 20 mlynedd, gan ddod yn Rheolwr Perfformiad a Gwybodaeth ar gyfer gwasanaethau plant. Cyn ymuno â Gofal Cymdeithasol Cymru, bûm yn gweithio fel uwch arweinydd polisi yn Llywodraeth Cymru, gan weithio yn y tîm a ddatblygodd y Fframwaith Perfformiad a Gwella ar gyfer gofal cymdeithasol yng Nghymru. Rwy'n angerddol am ddefnyddioldeb a hygyrchedd data a digidol ac rwy'n gwneud gradd ymchwil mewn Rhyngweithio rhwng Pobl a Chyfrifiaduron ym Mhrifysgol Abertawe.

Claire Miller

Arweinydd y Porth Data Cenedlaethol

data@gofalcymdeithasol.cymru

Rwy’n gyfrifol am gynnal a datblygu’r Porth Data Gofal Cymdeithasol Cenedlaethol. Fy ngwaith i yw casglu data o wahanol ffynonellau fel Llywodraeth Cymru neu Gofal Cymdeithasol Cymru ar gyfer y porth a defnyddio’r data hwnnw i greu cynnwys ystyrlon a defnyddiol. Gweithiais fel newyddiadurwr data ar draws papurau newydd cenedlaethol a rhanbarthol yn y DU cyn ymuno â Gofal Cymdeithasol Cymru ym mis Tachwedd 2022. Ar ôl dechrau fel gohebydd ar bapur wythnosol lleol yng Nghaint, ymunais â WalesOnline yn 2010. Tra’n gweithio yn WalesOnline lansiais y Datastore – storfa ar gyfer y data a’r graffeg yn ymwneud â straeon a gyhoeddir mewn papurau newydd Cymreig. Yn ddiweddarach, gweithiais fel olygydd Uned Data Reach ar ôl bod yn allweddol wrth ei sefydlu a'i datblygu. Mae’r uned yn cynhyrchu prosiectau newyddiaduraeth data manwl a chynnwys rhyngweithiol sy’n cael eu cyhoeddi ar draws teitlau cenedlaethol a rhanbarthol Reach.