Mae’r porwr prosiectau ar gyfer pobl sy’n arwain, datblygu a darparu gwasanaethau gofal cymdeithasol sydd eisiau gwybod mwy am waith sy’n digwydd ledled Cymru.
Oes gennych brosiect rydych chi’n credu fyddai’n addas ar gyfer y porwr prosiectau? Rhowch wybod i ni amdano drwy ddefnyddio ein ffurflen fer ar-lein.
Rydyn ni wedi creu'r porwr prosiectau i helpu i ledaenu syniadau a dysgu o ymarfer trwy rannu gwybodaeth am y gwaith, ble mae'n digwydd, pwy sy'n cymryd rhan a sut i ddarganfod mwy.
Ei nod yw helpu pobl i gysylltu a dysgu oddi wrth ei gilydd. Rydyn ni wedi annog pobl i rannu’r gwersi pwysig maen nhw wedi’u dysgu ar y ffordd, a allai fod yn ysbrydoliaeth ac yn ddysgu defnyddiol iawn i eraill.
Rydyn ni wedi cynnwys casgliad o enghreifftiau o arfer arloesol a mentrau ymchwil sy’n berthnasol i ofal cymdeithasol yng Nghymru. Rydyn ni hefyd wedi nodi prosiectau ymchwil academaidd sydd wedi cael cefnogaeth ffurfiol drwy'r Fframwaith Cymorth ac Ymgysylltu Ymchwil.
Defnyddiwch y porwr prosiectau i chwilio am wybodaeth am enghreifftiau o arfer arloesol a mentrau ymchwil gofal cymdeithasol, ac i gysylltu â'r person arweiniol yn uniongyrchol i ddarganfod mwy am eu prosiect, gweithio gyda'ch gilydd neu gefnogi eich gilydd.
Mae’r prosiect hwn gan Skybound Therapies yn canolbwyntio ar ddatblygu gwasanaethau i gefnogi unigolion ag ymddygiadau cymhleth sy’n peri her i aros gyda’u teuluoedd ac yn eu cymunedau.
Mae Rhaglen Seibiant Gofalwyr Halo Leisure yn rhoi cyfle i ofalwyr di-dâl gymryd rhan mewn sesiynau ymarfer corff, ymlacio a llesiant trwy eu canolfan hamdden leol.
Mae'r ap Insight gan yr Innovate Trust yn ap cymuned cymdeithasol am ddim ar gyfer oedolion ag anableddau dysgu ac anghenion cymorth ychwanegol ledled y DU.
Nod y prosiect hwn yw creu rhwydwaith o ficrofentrau yn Rhondda Cynon Taf i gysylltu pobl â'r cymorth sydd ei angen arnyn nhw.
Mae'r prosiect Hwb Lleol yn fenter drawsnewid sydd â'r nod o ail-lunio gwasanaethau oedolion ledled Powys.
Mae'r gwasanaeth ataliol hwn yn darparu cymorth i bobl sy'n byw gyda dementia cyfnod hwyr yn Abertawe a Chastell-nedd Port Talbot a’u gofalwyr er mwyn helpu i atal cynnydd mewn angen ac argyfwng sy'n arwain at dderbyniad i’r ysbyty neu gartref gofal.
Yn dangos 1 - 6 o 26
Tudalen 1 o 5