Cwrdd â'r tîm

Fi yw'r Cyfarwyddwr Cynorthwyol Dros Dro ar gyfer arloesedd.

Rwy'n arwain ein gwaith i gefnogi arloesedd mewn gofal cymdeithasol. Rydyn ni’n canolbwyntio ar gefnogi pobl i ddod â'u syniadau yn fyw, rhannu beth sy'n gweithio, a chofleidio dulliau digidol.  

Mae fy nghefndir mewn gwaith cymdeithasol iechyd meddwl a chymorth y trydydd sector, lle roeddwn i'n rheoli timau a gwasanaethau. Symudais i ddatblygu gwasanaethau, gan weithio ar brosiectau fel taliadau uniongyrchol, tai gofal ychwanegol, ac adolygu gwasanaethau iechyd meddwl. Cyn symud i'r rôl hon, gweithiais mewn rolau cenedlaethol ym meysydd gwella, cymwysterau a safonau.  

Rwy'n angerddol am greu newid cadarnhaol ym maes gofal cymdeithasol a chefnogi pobl i roi cynnig ar bethau newydd sy'n gwella bywydau. 

Fi yw'r Cyfarwyddwr Cynorthwyol Dros Dro ar gyfer ymchwil a symudedd gwybodaeth.

Mae gen i gefndir addysg ac ymchwil gwaith cymdeithasol, gyda diddordeb arbennig mewn iechyd meddwl, dylunio dysgu ac ymarfer sy’n seiliedig ar dystiolaeth. 

Rwyf wedi mwynhau’n fawr dysgu gan ymarferwyr a phobl sy’n defnyddio gofal cymdeithasol. Mae’n fraint bod mewn sefyllfa i ddysgu gymaint gan eraill. 

Rwy’n edrych ar ôl ein gwasanaeth anogaeth arloesedd.

Rydyn ni'n cefnogi pobl sy'n gweithio ym maes gofal cymdeithasol sy'n ceisio gwella'r ffordd y maen nhw'n darparu gofal trwy eu helpu i brofi syniadau newydd, datblygu ffyrdd newydd o weithio neu addasu'r hyn sy'n gweithio mewn mannau eraill.

Mae fy nghefndir yn amrywiol, ond mae'r llinyn aur sy'n rhedeg trwy fy ngyrfa yn canolbwyntio ar wneud bywyd yn well i bobl.

Rwyf wedi bod yn is-gadeirydd Cwmpas, a gweithiais fel rheolwr rhaglen i Nesta yn cefnogi arloesedd gwasanaethau cyhoeddus yng Nghymru.

Rwyf hefyd wedi datblygu polisi iechyd ar gyfer y Sefydliad Materion Cymreig, a gwaith allgymorth ledled Cymru ar gynhwysiant digidol sy’n canolbwyntio ar stori.

Roeddwn yn rhan o’r tîm sefydlu y tu ôl i Ysgol Fasnach Caerdydd, ac yn rhan o Think ARK – cydweithfa dylunio cymdeithasol.

Rwy’n arwain ar ddatblygu a gweithredu’r dull strategol o ymdrin â data gofal cymdeithasol yng Nghymru. Mae hyn yn golygu helpu pobl a sefydliadau sy’n gweithio ym maes gofal cymdeithasol yng Nghymru i fod yn well am gasglu, defnyddio a rhannu eu data.

Rwyf hefyd yn rheoli tîm o weithwyr data proffesiynol yng Ngofal Cymdeithasol Cymru i gyflawni ein strategaeth ac i reoli data Gofal Cymdeithasol Cymru ei hun.

Rwyf wedi treulio’r rhan fwyaf o fy ngyrfa yn gweithio mewn rolau data a digidol mewn gofal cymdeithasol. Gweithiais i awdurdod lleol am dros 20 mlynedd, gan ddod yn Rheolwr Perfformiad a Gwybodaeth ar gyfer gwasanaethau plant.

Cyn ymuno â Gofal Cymdeithasol Cymru, bûm yn gweithio fel uwch arweinydd polisi yn Llywodraeth Cymru, gan weithio yn y tîm a ddatblygodd y Fframwaith Perfformiad a Gwella ar gyfer gofal cymdeithasol yng Nghymru.

Rwy'n angerddol am ddefnyddioldeb a hygyrchedd data a digidol ac rwy'n gwneud gradd ymchwil mewn Rhyngweithio rhwng Pobl a Chyfrifaduron ym Mhrifysgol Abertawe.

Rwy'n rheoli ein tîm ymchwil.

Rydyn ni'n annog ac yn hyrwyddo ymchwil o ansawdd da ar ofal cymdeithasol yng Nghymru ac yn berthnasol i Gymru drwy osod blaenoriaethau ymchwil a chefnogi ymchwilwyr.

Rydyn ni'n casglu ynghyd canfyddiadau ymchwil i ddarparu mewnwelediadau i bobl sy’n gweithio ym maes gofal cymdeithasol drwy grynodebau tystiolaeth a'r gyfres cipolwg ar y gweithlu.

Cyn ymuno â Gofal Cymdeithasol Cymru roeddwn yn Gymrawd Ymchwil yng Nghanolfan Ymchwil Iechyd a Gofal Cymdeithasol ym Mhrifysgol Bryste. Mae fy ngwaith ymchwil yn ffocysu ar waith gofal â thal, tai a gofal a gwirfoddolwyr gofal cymdeithasol. Roeddwn i hefyd yn dysgu dulliau ymchwil a chymdeithaseg. Yn ddiweddarach, fe wnes i ymchwil wedi ei ariannu gan yr NIHR, Ysgol Ymchwil Gofal Cymdeithasol ar sut wnaeth y pandemig effeithio ar y berthynas rhwng gweithwyr gofal a phobl sy'n defnyddio gofal. Mae fy ngwaith ymchwil PhD, Prifysgol Caerdydd (2018), yn cymharu profiadau gweithwyr gofal a darpariaeth gofal mewn cartrefi preswyl cost uchel a chost isel i bobl hŷn. Bues i'n gweithio fel gweithiwr gofal mewn cartrefi preswyl i bobl hŷn cyn, ac yn ystod, fy noethuriaeth.

Rwy'n arwain y tîm symudedd gwybodaeth. Rydyn ni'n cefnogi ymarferwyr, timau a sefydliadau i gyrchu ac ystyried ymchwil a thystiolaeth i gefnogi eu penderfyniadau, eu datblygiad a’u gwaith. Rydyn ni'n dod â phobl ynghyd trwy ein cymunedau a gwaith partner i helpu i ddefnyddio, cymhwyso a chynhyrchu ymchwil a thystiolaeth yn ymarferol. Mae ein cymunedau'n fannau i bobl rannu eu gwybodaeth a’u syniadau ac i ddysgu gan eraill, gan greu perthnasoedd ar draws gwahanol sectorau ledled Cymru. Rwyf erioed wedi ceisio defnyddio tystiolaeth i gefnogi penderfyniadau ac ymarfer. 

Cyn ymuno â Gofal Cymdeithasol Cymru, fues i'n weithiwr cymdeithasol am 23 mlynedd yn arbenigo mewn chamddefnyddio sylweddau. Gweithiais mewn tîm triniaeth aml-asiantaeth i oedolion, ac fel gweithiwr cymdeithasol ymgynghorol yn y Gwasanaeth Integredig Cymorth i Deuluoedd. Roedd y rôl hon yn cefnogi dull teuluol dwys o fynd i'r afael â defnydd rhieni o sylweddau. Mae gennyf hefyd brofiad o sicrhau cyllid y Sefydliad Cenedlaethol ar gyfer Ymchwil Iechyd a Gofal (NIHR) yn llwyddiannus i weithio tuag at sefydlu ymchwil fel rhan o wasanaethau oedolion o fewn awdurdod lleol.

Rwy’n arwain ein gwaith ar arloesi strategol.

Rydyn ni'n helpu pobl ar draws gofal cymdeithasol i archwilio sut y gall technoleg a syniadau newydd wneud gwahaniaeth gwirioneddol, gan gadw pobl a barn broffesiynol wrth galon popeth. Mae ein gwaith yn cynnwys meithrin hyder digidol, creu offer ymarferol, a dangos sut mae 'da' yn edrych o ran trawsnewid digidol yng Nghymru.

Cyn ymuno â Gofal Cymdeithasol Cymru, gweithiais i mewn arweinyddiaeth weithredol ar draws gwasanaethau fel gofal cartref, teleofal, a phrydau cymunedol. Rwy’n weithiwr cymdeithasol cofrestredig ac mae gennyf brofiad ymarferol o gyflwyno technolegau newydd i ymarfer, felly rwy’n deall yr heriau a’r cyfleoedd.

Rwy’n angerddol am wneud i ddigidol deimlo’n bosibl i’r gweithlu ac yn ystyrlon i’r bobl sy’n dibynnu ar ofal a chymorth.