Crynodebau tystiolaeth

Rwy'n cefnogi gwaith y tîm ymchwil. Dau o'm cyfrifoldebau mwyaf yw rheoli'r cydlynwyr ymchwil a golygu'r crynodebau tystiolaeth. Mae ein tîm yn ymchwilio pynciau gofal cymdeithasol y mae pobl wedi dweud eu bod am ddysgu mwy amdanynt. 

Rydyn ni'n troi'r gwaith hwn yn gynnwys ar gyfer gwefan y Grŵp Gwybodaeth. Cyn i mi ymuno â Gofal Cymdeithasol Cymru, roeddwn i'n olygydd llawrydd. Rwyf eisoes wedi gweithio mewn rolau cefnogi ym maes cyfathrebu a rolau ymchwil yn y trydydd sector a'r byd academaidd. Gweithiais yng Nghanolfan Ymchwil a Datblygu Gofal Cymdeithasol Plant (CASCADE) ym Mhrifysgol Caerdydd am bum mlynedd, i gychwyn fel gweinyddwr prosiect ac yn ddiweddarach fel cydymaith ymchwil.

Prif diben fy rôl yw gwneud ymchwil yn hygyrch i bobl sy'n gweithio ym maes gofal cymdeithasol. Fel tîm, rydyn ni'n cymryd ymchwil academaidd, ymchwil gan sefydliadau eraill neu gan bobl gyda phrofiad byw, a data Gofal Cymdeithasol Cymru ac yn creu gwybodaeth sy'n hawdd ei deall. Rwyf wedi fy hyfforddi mewn gwaith cymdeithasol ac mae gen i brofiad o weithio gydag ystod o bobl. Mae hyn yn cynnwys pobl gydag anabledd dysgu, pobl gyda phrofiad camdrin sylweddau, a goroeswyr gwaith rhyw. 

Mae gen i radd feistr mewn troseddeg a PhD mewn gwyddorau cymdeithasol. Mae fy ngwaith ymchwil yn cynnwys amryw o feysydd megis addysg, agweddau tuag at frechu, y ffordd mae pobl yn trin credoau moesol, ac anghydraddoldeb yn y gweithle.

Fel cydlynydd ymchwil, fy ngwaith i yw gwneud ymchwil academaidd yn ddeniadol ac yn hygyrch i bobl sy'n gweithio ym maes gofal cymdeithasol. Rwy'n gwneud hyn trwy ysgrifennu crynodebau tystiolaeth, sy'n cyfleu egwyddorion allweddol ymchwil i wahanol bynciau sy'n berthnasol i ofal cymdeithasol. 

Cyn dechrau gyda Gofal Cymdeithasol Cymru, treuliais sawl blwyddyn yn gweithio fel ymchwilydd academaidd i Sefydliad Ymchwil Cymdeithasol ac Economaidd Cymru a Chanolfan Ymchwil Cymdeithas Sifil Data. Yn y rôl honno gweithiais ar sawl prosiect, gan ganolbwyntio'n bennaf ar bolareiddio gwleidyddol a gweithredu amgylcheddol. Trwy hyn, datblygais brofiad o weithio gyda chymunedau a grwpiau ymgyrchu i gynnal ymchwil fanwl i bynciau sensitif yn y DU a thramor. Mae fy niddordebau ymchwil yn eang, ond mae nhw wastad yn canolbwyntio ar gymuned, hunaniaeth a ffordd o fyw.

Fy mhrif swyddogaeth yw ysgrifennu crynodebau tystiolaeth, sy'n casglu ymchwil gofal cymdeithasol ac yn ei gwneud yn hygyrch i bobl sy'n gweithio mewn gofal cymdeithasol. 

Mae fy ngwaith ymchwil yn canolbwyntio ar hunaniaeth â'i effaith ar waith/cefnogaeth gofal cymdeithasol. Mae gen i radd meistr mewn cysylltiadau rhyngwladol a dwi yng nghyfnod olaf gradd PhD mewn cymdeithaseg. Aeth fy ymchwil blaenorol i'r afael â rôl actifiaeth wrth-hiliol yng Nghymru. Yn sgil hynny cefais fy nghlodfori fel  yr uwchraddedig mwyaf eithriadol gan Brifysgol John Moores Lerpwl. Dwi hefyd yn rhugl yn y Gymraeg.