Cefndir
Mae rhaglen DEEP wedi ei lleoli ym Mhrifysgol Abertawe a Phrifysgol Bangor. Cafodd ei datblygu drwy brosiect Sefydliad Joseph Rowntree ac Ymchwil Iechyd a Gofal Cymru.
Rydyn ni wedi bod yn ariannu DEEP ers 2023.
Diffiniad DEEP o dystiolaeth
Mae diffiniad DEEP o dystiolaeth yn uno:
- tystiolaeth ymchwil
- doethineb a gwybodaeth ymarferwyr
- gwybodaeth sefydliadol
- doethineb a gwybodaeth pobl sy'n defnyddio gofal a chymorth.
Mae dull DEEP yn annog mynd i'r afael â materion sy'n rhwystro defnyddio tystiolaeth yn ymarferol. Y nod yw meithrin dysgu a datblygiad sy’n cael eu harwain gan y bobl dan sylw, nid yn cael eu gorfodi arnyn nhw.
Ymgwedd DEEP
Mae ymagwedd DEEP yn dod â phobl at ei gilydd i feddwl a siarad am wahanol fathau o dystiolaeth.
Mae pum elfen i ymagwedd DEEP:
1. Creu amgylchedd maethlon o ofal a dysgu
Mae hyn yn golygu helpu pobl i greu mannau diogel, lle maen nhw'n teimlo eu bod yn cael eu gwerthfawrogi ac yn gallu rhannu eu meddyliau a'u teimladau mewn perthynas â dysgu a datblygu.
2. Gwerthfawrogi a defnyddio ystod o dystiolaeth
Mae hyn yn golygu edrych ar wahanol fathau o dystiolaeth, gan gynnwys profiad bywyd, doethineb ymarferwyr, gwybodaeth sefydliadol, ac ymchwil.
3. Casglu a chyflwyno tystiolaeth mewn fformatau ystyrlon
Mae hyn yn golygu rhannu tystiolaeth mewn fformat sy'n ennyn diddordeb y galon a'r pen, gan ganolbwyntio ar adrodd stori.
4. Siarad a meddwl gyda'n gilydd yn effeithiol am fathau amrywiol o dystiolaeth
Defnyddio technegau dysgu deialog i gefnogi cyfleoedd cynhwysol i bobl archwilio gwahanol fathau o dystiolaeth o fewn cyd-destun ymarfer.
5. Adnabod a mynd i'r afael â rhwystrau neu rwystr strwythurol
Nodi ac archwilio sut i oresgyn materion systemig sy'n tanseilio'r defnydd o dystiolaeth yn ymarferol.
Gardd hyfryd
Mae mabwysiadu ymagwedd DEEP yn debyg i greu ardd hyfryd:
Llawlyfr DEEP
Dewch o hyd i ragor o wybodaeth am y dull DEEP yn ein llawlyfr DEEP:
Mwy o wybodaeth
Dysgwch am ddulliau ac egwyddorion DEEP.
Chwiliwch am gyfleoedd dysgu DEEP.
Gallwch chi archebu lle ar ddigwyddiad, sesiwn dysgu neu gwrs DEEP ar ein tudalen digwyddiadau neu drwy dolen eventbrite DEEP.
Mae'r blogiau canlynol hefyd yn archwilio dulliau DEEP:
