Canllaw sylfaenol ar gyfer defnyddio Microsoft Excel
Ar gyfer pwy mae'r cwrs hwn?
Mae'r cwrs yn fwriadol 'sylfaenol' yn ei ddull a'i gynnwys ac mae wedi'i anelu at ddechreuwyr. Nid oes angen unrhyw wybodaeth flaenorol am ddata, ystadegau na Microsoft Excel.
Beth fyddaf yn ei ddysgu?
Mae Microsoft Excel yn un o'r offer taenlen data mwyaf poblogaidd a phwerus. Mae'r cwrs hyfforddi wedi'i gynllunio i'ch helpu ar ddechrau eich taith gyda defnyddio Microsoft Excel, gan eich helpu i feithrin hyder ynghylch sut i storio, glanhau a rheoli eich data, yn barod i'w ddadansoddi neu ei gyflwyno. Nid oes angen i chi fod yn ddadansoddwr, yn arbenigwr data nac yn ‘ddewin technoleg’ i ddechrau dysgu sut i harneisio pŵer Excel.
Mae'r cwrs hyfforddi yn rhoi cyngor ac arweiniad ymarferol i'ch helpu i gyflawni'r swyddogaethau a'r fformwlâu Microsoft Excel a ddefnyddir amlaf.
Erbyn diwedd y cwrs byddwch yn deall:
- defnyddiau a manteision defnyddio Microsoft Excel
- sut mae Excel yn gweithio, llywio yn y rhaglen a thechnegau angenrheidiol
- sut i gyflawni rhai o'r ffwythiannau a'r fformwlâu mwyaf cyffredin yn Excel
Tagiau sgiliau:
- data
- excel
- taenlenni