Sarah Atkinson
Cydlynydd Tystiolaeth ac Ymgysylltu
ymchwil@gofalcymdeithasol.cymru
Rwy’n gweithio fel rhan o’r tîm symudedd gwybodaeth. Rydyn ni’n dod o hyd i ffyrdd y gallwn ni gefnogi pobl sy’n gweithio ym maes gofal cymdeithasol i ddefnyddio a chynnal ymchwil mewn ymarfer, cynllunio a llunio polisi. Rydyn ni’n gwneud hyn drwy feithrin perthnasoedd, creu cymunedau a gweithio gyda phartneriaid er mwyn hyrwyddo’r defnydd o ymchwil a thystiolaeth.
Mae fy rolau blaenorol yn cynnwys gwaith ymgyrchu, arfer sy'n seiliedig ar hawliau, polisi, a datblygu gwasanaethau a darpariaeth. Tra’n gweithio gyda phobl hŷn, tyfodd fy niddordeb mewn ymchwil. O ganlyniad, es i astudio’n rhan amser ym Mhrifysgol Caerdydd ac ennill gradd Meistr mewn dulliau ymchwil. Fe gymerais ran mewn prosiect yng Nghymru a’r Alban oedd yn ffocysu ar gryfderau ymarfer a datblygu yn y maes gofal cymdeithasol. Tu fas i’r gwaith, rwy’n mwynhau mynychu clwb darllen a mynd ar antur yng Nghymru a thu hwnt.