Gwnewch gais i fod yn Esiamplwr Bevan gyda chefnogaeth y Grŵp Gwybodaeth

Mae ceisiadau bellach ar agor ar gyfer rhaglen Esiamplwyr Comisiwn Bevan – a gall ein tîm anogaeth arloesedd eich cefnogi drwy’r broses ymgeisio.

Mae Comisiwn Bevan yn felin drafod iechyd a gofal blaenllaw sy'n cael ei chynnal a'i chefnogi gan Brifysgol Abertawe.

Mae ei raglen Esiamplwyr yn darparu mentora a hyfforddiant i helpu pobl i ddatblygu’r sgiliau i drawsnewid gwasanaethau iechyd a gofal cymdeithasol o’r tu mewn.

Mae’r rhaglen yn cefnogi Esiamplwyr i brofi eu syniadau arloesol eu hunain dros gyfnod o 12 mis, gyda’r bwriad o gael effaith gadarnhaol ar brofiadau bywyd, canlyniadau gofal cymdeithasol ac iechyd, ac ar effeithlonrwydd gwasanaethau.

Thema eleni yw ‘cyflawni newid gyda’n gilydd’, a gallai’r prosiectau y byddwch yn eu cyflwyno gynnwys:

• cynhyrchion, prosesau neu wasanaethau newydd
• ffyrdd newydd o weithio
• modelau darparu gwasanaeth neu ymyriadau newydd
• mentrau datblygu sgiliau newydd
• dulliau arloesol eraill o gyflawni newid.

Gallwch ddod o hyd i ragor o wybodaeth am y rhaglen a sut i wneud cais ar wefan Comisiwn Bevan.

Mae ceisiadau yn cau ar 14 Gorffennaf.