Hyfforddiant am ddim i arddangos yr offer a’r technegau rydyn ni'n eu defnyddio i gefnogi arloesedd ym maes gofal cymdeithasol

Ar gyfer pwy mae'r hyfforddiant?

Mae’r hyfforddiant ar agor i unrhyw un sy’n gweithio ym maes gofal cymdeithasol yng Nghymru.

Mae’n addas i unrhyw un sydd â diddordeb mewn gwella’r gwasanaethau gofal maen nhw'n eu cynnig neu y mae eu sefydliad yn eu cynnig. Efallai eich bod yn gweithio yn y sector cyhoeddus, y sector preifat, neu i elusen neu sefydliad gwirfoddol.

Mae’r hyfforddiant ar gael yn Gymraeg ac yn Saesneg.

Bydd yn arbennig o ddefnyddiol i bobl sydd:

• â chyfrifoldeb dros wella gwasanaethau gofal
• â diddordeb yn ein cynnig anogaeth arloesedd ond sydd eisiau gwybod mwy amdano
• eisoes wedi cymryd rhan mewn anogaeth arloesedd ac sydd eisiau datblygu eu sgiliau ymhellach.

Beth fydd yn cael ei gynnwys?

Bydd cyfranogwyr yn:

• clywed sut y gallan nhw gyfuno arloesedd ac anogaeth i wella gwasanaethau
• cael profiad ymarferol o ddefnyddio offer arloesedd ac anogaeth
• datblygu hyder i’w defnyddio yn eu gwaith.

Sut alla i gymryd rhan?

Byddwn yn cynnal yr hyfforddiant ar 6 a 13 Tachwedd. 

Ewch i'n ffurflen ar-lein i archebu eich lle am ddim.

Byddwn yn canolbwyntio ar anogaeth ar y dyddiad cyntaf ac arloesedd ar yr ail ddyddiad.

Sut mae hyn yn wahanol i’r anogaeth arloesedd ei hun?

Trwy ein gwasanaeth anogaeth arloesedd, rydyn ni'n cynnig cefnogaeth wedi’i theilwra am ddim i unigolion neu dimau i’w helpu i wella eu gwasanaeth.

Rydyn ni wedi cael adborth cadarnhaol gan bobl sydd wedi defnyddio’r gwasanaeth, felly roedden ni eisiau dod o hyd i ffyrdd newydd o’i egluro a dangos beth all wneud dros y sector.

Bydd yr hyfforddiant hwn yn dangos i chi sut i ddefnyddio’r offer a’r technegau rydyn ni'n eu defnyddio yn ein sesiynau anogaeth. Bydd yn rhoi blas i chi o’r hyn y gall anogaeth arloesedd ei gynnig, yn ogystal â chyfle i fynd â’r offer i’w defnyddio eich hun.

Mae croeso hefyd i bobl sydd eisoes wedi defnyddio ein gwasanaeth anogaeth i fynychu er mwyn cael dealltwriaeth ddyfnach o’r dulliau cafodd eu defnyddio yn eu sesiynau.

Er na allwn gynnig yr un lefel o gefnogaeth ddwys ag yn ystod sesiynau anogaeth, rydyn ni'n cyfyngu ar nifer y cyfranogwyr i wneud yr hyfforddiant yn ymarferol ac yn rhyngweithiol.