Siapio diwylliannau cadarnhaol mewn gofal cymdeithasol

Y llynedd, fe lansio'n ni'r Canllaw cefnogi diwylliannau cadarnhaol gydag Arolygiaeth Gofal Cymru (AGC)

Cafodd y canllaw ei ddatblygu i helpu sefydliadau i feithrin diwylliannau gweithlu lle mae staff yn teimlo eu bod yn cael eu gwerthfawrogi a'u parchu, a phobl sy'n derbyn gofal yn profi urddas, parch a thosturi.

Dywedodd Lisa Trigg, ein Cyfarwyddwr Cymorth a Gwella Gwasanaeth:

"Mae sefydlu, eirioli a chefnogi diwylliannau cadarnhaol yn hanfodol i ddarparu gofal a chefnogaeth dda. Cafodd ein gweminar ei groesawu fel dechrau deialog agored er mwyn i ni ddeall sut y gallwn ni weithio gyda'n partneriaid a'r sector i gefnogi diwylliannau cadarnhaol. 

"Mae'n bwysig fod pawb sy'n gweithio ar draws gofal cymdeithasol yn ymrwymo i amddiffyn a chefnogi hawliau pobl - yn enwedig pobl sydd mewn perygl o niwed neu gamdriniaeth. 

“Rydyn ni’n annog cyflogwyr ac ymarferwyr i gysylltu â Gofal Cymdeithasol Cymru i ddysgu mwy am ein Canllaw diwylliannau cadarnhaol, a'r gefnogaeth y gallwn ni ei gynnig yn y maes hwn."

Dywedodd Gillian Baranski, Prif Arolygydd Arolygiaeth Gofal Cymru:

“Yr hyn rydyn ni'n ei weld dro ar ôl tro trwy ein gwaith arolygu yw bod ansawdd y gofal y mae pobl yn ei dderbyn yn gysylltiedig yn ddwfn â'r diwylliant o fewn sefydliad. Mae gweithlu sy'n teimlo ei fod yn cael ei barchu a'i rymuso mewn sefyllfa lawer gwell i ddarparu'r gofal tosturiol, urddasol y mae pobl yng Nghymru yn ei haeddu. 

“Mae'r canllaw hwn yn offeryn gwerthfawr, ac edrychwn ymlaen at ei weld yn gwneud gwahaniaeth gwirioneddol ar draws y sector