Cael cefnogaeth i'ch cais am gyllid ymchwil

Gallwn ni gynnig cefnogaeth i'ch cais am gyllid ymchwil. Am fwy o wybodaeth ar y prosiectau sydd eisoes yn cael cefnogaeth ewch at ein Porwr prosiectau.

Mae'r Fframwaith Cymorth ac Ymgysylltu Ymchwil yn gosod y gefnogaeth ffurfiol y gallwn ni ei chynnig i ymchwilwyr. Mae hyn yn cynnwys y meini prawf rydyn ni'n eu defnyddio i wneud penderfyniadau ynghylch pa brosiectau gallwn eu cefnogi.

Pa gefnogaeth mae pobl yn gofyn amdani?

Mae ymchwilwyr yn aml yn gofyn i ni:

hyrwyddo astudiaeth ymchwil ar ein sianeli cyfathrebu, fel cyfryngau cymdeithasol
cymeradwyo eu hastudiaeth, fel y gallan nhw nodi hyn ar eu ceisiadau
eistedd ar baneli ar gyfer adolygu ceisiadau am gyllid
mynychu grwpiau cynghori neu lywio ar gyfer astudiaethau ymchwil
cymryd rhan mewn astudiaethau ymchwil fel cyfranogwyr, megis cyfweliadau neu grwpiau ffocws
ysgrifennu llythyrau i gefnogi ceisiadau ariannu yn gyffredinol, fel cadarnhau bod y pwnc neu'r cwestiwn ymchwil o ddiddordeb sylweddol i ofal cymdeithasol yng Nghymru neu gadarnhau y byddwn ni'n cefnogi ymchwilwyr gyda thasgau prosiect penodol
rhoi caniatâd i gael mynediad at ddata a sy'n cael ei gadw ym Manc Data SAIL ar bobl gofrestredig
bod yn bartneriaid ffurfiol mewn astudiaethau ymchwil, er enghraifft fel rhan o gonsortiwm
gwahodd pobl gofrestredig ac unigolion eraill i gymryd rhan mewn astudiaethau ymchwil.

Pryd i gysylltu â ni

Cysylltwch â ni yn nyddiau cynnar datblygiad eich cais os hoffech chi gael ein cefnogaeth.

Rydyn ni'n hapus i gael sgwrs anffurfiol am eich prosiect a thrafod ffyrdd y gallwn ni helpu.

Gallwn ni hefyd eich helpu i fireinio'ch cwestiynau ymchwil a dylunio prosiectau a all wneud gwahaniaeth cadarnhaol i ofal cymdeithasol.

Gwybodaeth bwysig

Unwaith y byddwch chi'n barod i wneud cais ffurfiol am ein cefnogaeth, bydd angen i ni wybod:

beth yw'r prosiect a beth ydych chi'n bwriadu darganfod
pa gefnogaeth yr hoffech i ni ei darparu
pam ei bod yn bwysig i Ofal Cymdeithasol Cymru gefnogi eich prosiect
beth yw'r dyddiad cau ar gyfer eich cais am gyllid.

Prif gyswllt

Dr Eleanor Johnson

Rheolwr Ymchwil

ymchwil@gofalcymdeithasol.cymru

Rwy'n rheoli ein tîm ymchwil. Rydyn ni'n annog ac yn hyrwyddo ymchwil o ansawdd da ar ofal cymdeithasol yng Nghymru ac yn berthnasol i Gymru drwy osod blaenoriaethau ymchwil a chefnogi ymchwilwyr. Rydyn ni'n casglu ynghyd canfyddiadau ymchwil i ddarparu mewnwelediadau i bobl sy’n gweithio ym maes gofal cymdeithasol drwy grynodebau tystiolaeth Gofal Cymdeithasol Cymru. Cyn ymuno â Gofal Cymdeithasol Cymru roeddwn yn Gymrawd Ymchwil yng Nghanolfan Ymchwil Iechyd a Gofal Cymdeithasol ym Mhrifysgol Bryste. Mae fy ngwaith ymchwil yn cynnwys: gwaith gofal â thal, tai a gofal a gwirfoddolwyr gofal cymdeithasol. Roeddwn i hefyd yn dysgu dulliau ymchwil i fyfyrwyr gradd feistr. Yn ddiweddarach, fe wnes i ymchwil wedi ei ariannu gan yr NIHR, Ysgol Ymchwil Gofal Cymdeithasol ar sut wnaeth y pandemig effeithio ar ddarpariaeth mewn cartrefi gofal preifat a chartrefi gofal preswyl i bobl hŷn. Mae fy ngwaith ymchwil PhD, Prifysgol Caerdydd (2018), yn cymharu profiadau gweithwyr gofal a darpariaeth gofal mewn cartrefi preswyl cost uchel a chost isel i bobl hŷn. Bues i'n gweithio fel gweithiwr gofal mewn cartrefi preswyl i bobl hŷn cyn, ac yn ystod, fy noethuriaeth.