Defnyddio adrodd straeon ar gyfer newid mewn gwasanaethau iechyd, gofal a llesiant - DEEP

Beth yw'r prosiect?

Gweithiodd Datblygu Ymarfer a Gyfoethogir gan Dystiolaeth (DEEP) gyda phartneriaid i adeiladu cymuned ymchwil genedlaethol o academyddion, llunwyr polisi ac ymarferwyr o amgylch adrodd straeon.

Diolch i gyllid gan grant Rhwydwaith Arloesi Cymru (WIN), gweithiodd DEEP gyda Phrifysgol Wrecsam a phrifysgolion eraill Cymru i gynllunio digwyddiad mewn person am ddim yn Wrecsam i gefnogi'r gymuned hon.

Roedd yn cynnig cyfleoedd datblygu ymchwil a rhwydweithio o amgylch rôl adrodd straeon mewn gofal cymdeithasol, iechyd a datblygiad cymunedol.

Pam cafodd ei gynnal?

Nodwedd ganolog o DEEP yw'r defnydd o ddulliau stori a deialog mewn ymchwil, dysgu a datblygu.

Gan weithio gyda Gofal Cymdeithasol Cymru, mae DEEP yn adeiladu dull mwy strategol o adrodd straeon, gan gynnwys creu rhwydweithiau adrodd straeon.

Mae’r rhwydwaith adrodd straeon yn cynnwys ymchwilwyr o bob rhan o’r DU, ymarferwyr, pobl â phrofiad byw, rheolwyr sefydliadol a llunwyr polisi yng Nghymru. Mae'r rhwydwaith eisoes wedi helpu i gefnogi a datblygu meddylfryd ynghylch ymchwil, polisi a datblygu ymarfer.

Dros y tair mlynedd ddiwethaf, mae DEEP a Gofal Cymdeithasol Cymru wedi bod yn archwilio dulliau adrodd straeon i gefnogi llesiant, gwerthuso a dysgu.

Cynhaliwyd digwyddiad deuddydd ar-lein am y tro cyntaf ym mis Medi 2022, lle cofrestrodd dros 100 o bobl i fynychu, ac yna dau ddigwyddiad mewn person llwyddiannus yn 2023 a dechrau 2024.

Pwy wnaeth cymryd rhan?

Roedd Prifysgol Abertawe, Prifysgol Caerdydd, Prifysgol De Cymru, Prifysgol Wrecsam, Prifysgol Durham, Mencap Cymru, Cyngor Sir Benfro, a Chyngor Castell-nedd Port Talbot ymhlith y partneriaid allweddol i’r gwaith o ddatblygu a chyflwyno’r prosiect.

Beth maen nhw wedi'i ddysgu o'r gwaith?

Roedd academyddion, llunwyr polisi, cydweithwyr yn y sector cyhoeddus a'r trydydd sector yn cydweithredu. Y nod oedd archwilio sut i ddefnyddio adrodd straeon fel dull ar gyfer newid mewn gwasanaethau iechyd, gofal a llesiant yng Nghymru. Rydyn ni wedi datblygu adnodd newydd o ganlyniad i ddysgu o'r prosiect hwn. Cadwch lygad allan gan y byddwn ni'n lansio'r Fframwaith adrodd straeon ar gyfer gofal cymdeithasol yng Nghymru yn 2025.