Canllaw AI ar gyfer y sector gofal cymdeithasol yng Nghymru

Rydyn ni wedi creu canllaw newydd i'ch helpu i archwilio ffyrdd o ddefnyddio AI i gefnogi gofal cymdeithasol yng Nghymru. 

Weithiau gellir gweld AI fel bygythiad – bygythiad i berthnasoedd ac i swyddi.  Ond beth pe gellid defnyddio AI i gefnogi eich gwaith?

Wrth gael ei defnyddio’n gyfrifol, gall AI helpu i gwblhau tasgau, fel gweinyddu a dal nodiadau gofal, yn gyflymach ac yn effeithlon.

Dyna pam rydyn ni wedi creu canllaw newydd i'ch helpu i archwilio ffyrdd o ddefnyddio AI i gefnogi gofal cymdeithasol yng Nghymru. 

Gall ein canllaw eich helpu i:

• ddysgu am Ddeallusrwydd Artiffisial (AI) a pham mae'n bwysig
• ddeall sut mae AI yn gweithio
• ystyried yr egwyddorion allweddol i ddefnyddio AI yn gyfrifol
• gael caniatâd gwybodus i ddefnyddio offer AI
• nodi meysydd lle gall AI gefnogi eich gwaith.

Ni fydd AI byth yn disodli perthnasoedd dynol na'ch gwybodaeth a'ch profiad.  Ond, pan gaiff ei ddefnyddio’n gyfrifol, gall helpu i ryddhau amser i'w dreulio gyda'r bobl rydych chi'n eu cefnogi.