Deall atyniad, recriwtio ac ymddygiadau ceisio gwaith - adroddiadau ac adnoddau

Fe wnaethon ni gomisiynu sefydliad o’r enw Urban Foresight i gynnal ymchwil a archwiliodd sut i fynd i’r afael â’r heriau gweithlu sy’n wynebu gofal cymdeithasol yng Nghymru.

Rhannwyd yr ymchwil ar draws dwy thema:

• Deall ymddygiadau ceisio gwaith
• Deall atyniad a recriwtio a rôl Gofalwn Cymru

Yn ogystal â chynhyrchu adroddiadau ac argymhellion ar draws y ddau faes ymchwil, gan gynnwys adroddiad sy’n canolbwyntio’n benodol ar y sector blynyddoedd cynnar a gofal plant, cynhyrchodd y gwaith ddau adnodd newydd ar gyfer cyflogwyr:

• Canllaw denu, recriwtio a chadw - Mae’r canllaw yn cynnwys cyngor ar bethau fel y ffordd orau o ddenu pobl i weithio yn y sector a gwneud i staff deimlo eu bod yn cael eu gwerthfawrogi ar ôl iddyn nhw ymuno.
• Pecyn cymorth personas defnyddwyr - Mae'r pecyn cymorth yn disgrifio sut i ddefnyddio personas defnyddwyr i gefnogi ceiswyr gwaith yn y sector gofal cymdeithasol, gyda sawl person enghreifftiol.

Gallwch lawrlwytho'r ddau adnodd, ynghyd â phob un o'r adroddiadau, am ddim isod.