Kate Howson
Uwch Arweinydd Partneriaeth (Ymchwil)
Fel uwch arweinydd partneriaeth ar gyfer umchwil o fewn y tîm symudedd gwybodaeth, fy mhrif nod yw chwilio, adeiladu a chynnal perthnasoedd a gweithgareddau sy'n cefnogi'r defnydd o ymchwil mewn ymarfer a pholisi mewn gofal cymdeithasol. Rwy'n gweithio'n agos gydag ymchwilwyr, sefydliadau ymchwil ac ymarferwyr ledled Cymru i helpu i gefnogi gweithredu ymchwil cyfredol. Rwy'n helpu i sicrhau bod ymarfer yn cael ei gyfoethogi gan ymchwil a thystiolaeth, a bod ymchwil yn ymateb i anghenion y rhai sy'n defnyddio gofal cymdeithasol. Rwy'n nodi meysydd ar gyfer cydweithredu rhwng sefydliadau, i ddarparu cyfleoedd adeiladu sgiliau ymchwil i ymarferwyr allu cynnal eu hymchwil eu hunain yn ymarferol.
Emma Taylor-Hill
Arweinydd Symudedd Gwybodaeth
Rwy’n Arweinydd Symudedd Gwybodaeth ac yn rhan o’r tîm Ymchwil, Data ac Arloesi yng Ngofal Cymdeithasol Cymru. Mae fy rôl yn ymwneud â dod o hyd i ffyrdd o gefnogi pobl i roi tystiolaeth ar waith, a chysylltu’r bydoedd ymarfer ac ymchwil fel y gallwn ni wneud synnwyr o dystiolaeth gyda’n gilydd.
Cyn ymuno â Gofal Cymdeithasol Cymru, roeddwn yn gweithio i awdurdod lleol Sir Gaerfyrddin yn y tîm hyfforddi a datblygu. Fy hoff rannau o’r rôl honno oedd gweithio gyda gweithwyr cymdeithasol newydd gymhwyso a hefyd rhedeg grŵp Ymchwil ar Waith.
Rachel Scourfield
Rheolwr Symudedd Gwybodaeth
Rwy'n arwain y tîm symudedd gwybodaeth. Rydyn ni'n cefnogi ymarferwyr, timau a sefydliadau i gyrchu ac ystyried ymchwil a thystiolaeth i gefnogi eu penderfyniadau, eu datblygiad a’u gwaith. Rydyn ni'n dod â phobl ynghyd trwy ein cymunedau a gwaith partner i helpu i ddefnyddio, cymhwyso a chynhyrchu ymchwil a thystiolaeth yn ymarferol. Mae ein cymunedau'n fannau i bobl rannu eu gwybodaeth a’u syniadau ac i ddysgu gan eraill, gan greu perthnasoedd ar draws gwahanol sectorau ledled Cymru. Rwyf erioed wedi ceisio defnyddio tystiolaeth i gefnogi penderfyniadau ac ymarfer. Cyn ymuno â Gofal Cymdeithasol Cymru, fues i'n weithiwr cymdeithasol am 23 mlynedd yn arbenigo mewn chamddefnyddio sylweddau. Gweithiais mewn tîm triniaeth aml-asiantaeth i oedolion, ac fel gweithiwr cymdeithasol ymgynghorol yn y Gwasanaeth Integredig Cymorth i Deuluoedd. Roedd y rôl hon yn cefnogi dull teuluol dwys o fynd i'r afael â defnydd rhieni o sylweddau. Mae gennyf hefyd brofiad o sicrhau cyllid y Sefydliad Cenedlaethol ar gyfer Ymchwil Iechyd a Gofal (NIHR) yn llwyddiannus i weithio tuag at sefydlu ymchwil fel rhan o wasanaethau oedolion o fewn awdurdod lleol.
Rhiannon Wright
Rheolwr Cymuned Dystiolaeth
Rwy'n cefnogi ein tîm symudedd gwybodaeth. Rydyn ni'n dod o hyd i ffyrdd creadigol o helpu pobl sy’n gweithio ar draws gofal cymdeithasol i ddefnyddio, cymhwyso a chynhyrchu ymchwil wrth ymarfer, cynllunio a llunio polisi. Rydyn ni'n gwneud hyn drwy feithrin perthnasoedd, ffurfio cymuned a gweithio’n agos gyda phartneriaid sy’n cynhyrchu ymchwil a thystiolaeth. Rwy’n angerddol am wneud ymchwil a thystiolaeth gofal cymdeithasol yn hygyrch ac yn haws i’w defnyddio yn ymarferol. Rwy’n weithiwr cymdeithasol cymwysedig ac mae gennyf gefndir mewn gwasanaethau plant awdurdodau lleol. Treuliais hefyd flynyddoedd lawer yn y trydydd sector yn gweithio’n therapiwtig gyda phlant, gan ganolbwyntio ar bynciau camfanteisio rhywiol, ymddygiad rhywiol niweidiol a thrawma datblygiadol. Ychydig cyn ymuno â Gofal Cymdeithasol Cymru, roeddwn yn gweithio i fwrdd diogelu rhanbarthol, yn cydlynu adolygiadau ymarfer oedolion a phlant ac yn datblygu eu strategaeth sicrhau ansawdd.