Skip to Main content

Egwyddorion a dulliau DEEP

Mae'r dull Datblygu Ymarfer a Gyfoethogir gan Dystiolaeth (DEEP) yn cael ei ymgorffori mewn sawl ffordd.

Yn yr adran hon, rydyn ni'n disgrifio'r egwyddorion sy'n sylfaen i DEEP ac yn archwilio rhai o'r dulliau sy'n cael eu defnyddio fel rhan o raglen DEEP.

Egwyddorion DEEP

Mae ymagwedd DEEP wedi ei seilio ar egwyddorion penodol sy'n ein helpu drwy:

  • cefnogi llesiant pawb
  • dechrau gyda beth y mae pobl yn gwybod ac yn ei chael yn ddiddorol
  • gwneud synnwyr o'r hyn yr ydym yn ei ddysgu
  • rhannu pob math o wybodaeth
  • defnyddio stori i ddysgu
  • ystyried cyd-destun wrth ddefnyddio tystiolaeth
  • rhannu arweinyddiaeth a phenderfyniadau
  • herio'n gilydd yn garedig.

Dulliau sy'n cael eu defnyddio fel rhan o Ymagwedd DEEP

Dyma ddisgrifiad byr o'r dulliau cyffredin rydyn ni'n defnyddio:

Ymholi Gwerthfawrogol (AI)

Mae AI yn ddull datblygu ymarfer sy'n cael ei seilio ar yr hyn sydd eisoes yn gweithio, neu'n mynd yn dda. Mae pum cam iddo: diffinio, darganfod, breuddwydio, dylunio a darparu. 

Cymuned Ymholi (CoE)

Mae CoE yn ddull 10 cam. Mae'n defnyddio tystiolaeth fel sbardun i archwilio neu greu cwestiynau ymarfer a/neu bolisi. Mae'n ddull sy'n dda am ddangos rhagdybiaethau ac ystyried goblygiadau'r tystiolaeth.  

Cyd-ddylunio ar sail profiad (EBCD) 

Mae EBCD yn casglu straeon profiad, gan fapio uchafbwyntiau - ac isaf bwyntiau - taith personol yr unigolyn. Mae'r dull DEEP eiliadau hud/trasig yn deillio o EBCD drwy gasglu straeon unigryw am yr eiliad hud (uchafbwynt) a/neu drasig (isafbwynt).

Sgwrs Archwiliadol

Mae Sgwrs Archwiliadol yn gallu rhoi strwythr i drafodaeth. Gall osod rheolau neu ffiniau er mwyn helpu pobl siarad a meddwl gyda'i gilydd. 

Newid Mwyaf Arwyddocaol (MSC)

Mae MSC yn casglu straeon sy'n amlygu beth sydd wedi newid i bobl o ganlyniad i fenter neu ymyriad. Mae'r hyn sy'n cael ei ddysgu yn cael ei archwilio gan baneli o bobl sy'n trafod y straeon ac yn dewis yr un y maen nhw'n cytuno sydd fwyaf arwyddocaol. 

"Cefais wahoddiad i ymuno â gweithdy Eiliadau Hud... Gan ddefnyddio dull Sgwrs Archwiliadol, roedden ni'n archwilio gwerthoedd, rhagdybiaethau, a goblygiadau'r hyn gafodd ei rannu a'i drafod. Roedd y straeon a glywais yn dangos i mi fod unrhyw beth yn bosib a bod 'methu' ddim yn fy ngeiriadur i ... Mae'n dangos y gallwch chi gyflawni unrhyw beth mewn gwirionedd drwy ymdrechu. Roedd hwnna'n ysbrydoliaeth mawr." 

- Josh, person ifanc â phrofiad bywyd.

Mwy o wybodaeth

Gallwch chi archwilio egwyddorion DEEP a'r dulliau sy'n cael ei rhoi ar waith drwy gyfleoedd dysgu DEEP. 

Mae digwyddiadau, sesiynau dysgu a chyrsiau DEEP yn cael eu hyrwyddo ar ein tudalen digwyddiadau neu dudalen eventbrite DEEP.