Defnyddio ymchwil i gefnogi pobl ifanc i ddeall gwasanaethau i oedolion

Rydyn ni wedi cyhoeddi crynodeb o dystiolaeth newydd sy'n archwilio sut mae pobl ifanc sy'n pontio i fod yn oedolion yn deall pa wasanaethau sydd ar gael i'w cefnogi.

Drwy ein hymarfer gosod blaenoriaethau ar gyfer pontio i wasanaethau ofal oedolion, glywon ni fod pobl ifanc weithiau yn wynebu rhwystrau. Mae’r rhwystrau hyn yn cynnwys:

• diffyg gwybodaeth glir o ba gefnogaeth sydd ar gael neu ar goll gan wasanaethau i oedolion
• anhawster gwybod sut i gael mynediad at gefnogaeth
• rhannu gwybodaeth yn wael rhwng gwasanaethau plant ac oedolion.

Mae'r crynodeb newydd yn nodi ymchwil sy'n esbonio mwy am y problemau hyn a sut y gellir mynd i'r afael â nhw. 

Mae ymchwil yn dangos nad yw darparu gwybodaeth am wasanaethau oedolion yn unig yn ddigon i sicrhau bod pobl ifanc yn cael mynediad at y cymorth maen nhw eu hangen. Mae angen i bobl ifanc allu ac i fod yn barod i chwilio, cael mynediad, deall, a gweithredu ar y wybodaeth hefyd. 

Mae'r rhwystrau sy’n gallu atal mynediad a dealltwriaeth o’r wybodaeth yn cynnwys:

• bod ag ofn cael eu gwrthod
• ddim yn gwybod beth sydd ar gael 
• gwybodaeth anhygyrch neu annibynadwy 
• gwybodaeth sy'n cymryd gormod o amser neu egni i'w deall.

Mae ein crynodeb tystiolaeth newydd yn dadansoddi'r broses o chwilio am help, er mwyn dangos lle mae pobl ifanc yn profi rhwystrau i ddeall gwybodaeth.  Rydyn ni hefyd yn edrych ar bobl ifanc sydd ddim wedi ymgysylltu â'r gwasanaethau sydd ar gael iddyn nhw. Rydyn ni’n gwneud hyn i ddangos sut mae’n yn cysylltu gyda’r rhwystrau i ddealltwriaeth a rhannu gwybodaeth.