Llunio diwylliant

Beth sy’n gwneud diwylliant cadarnhaol?

Dysgwch am yr egwyddorion allweddol sy’n cyfrannu at ddiwylliant cadarnhaol a chefnogol. Mae hyn yn cynnwys arwain gyda thosturi a helpu pobl i deimlo eu bod yn cael eu gwerthfawrogi a’u parchu. Mae hefyd yn golygu annog amgylchedd gwaith sy’n cydbwyso risgiau, hawliau a chyfrifoldebau. Defnyddiwch oruchwyliaeth fyfyriol (reflective practice) i annog a chefnogi cymryd risgiau cytbwys sy’n cyfrannu at ddiwylliant cadarnhaol.

Dyma rai cyfleoedd a allai fod yn ddefnyddiol:

• Arweinyddiaeth dosturiol
• Cyflwyniad i arweinyddiaeth dosturiol
• Rhaglen arweinyddiaeth sy’n seiliedig ar gryfderau (wedi’i hachredu gan CPD) - Y Sefydliad Gofal Cymdeithasol er Rhagoriaeth (SCIE) a Phrifysgol Birmingham.

Sbarduno newid drwy fyfyrio beirniadol

Mae llunio diwylliant cadarnhaol hefyd yn ymwneud â gwneud penderfyniadau ar y cyd. Mae hyn yn golygu dod â phobl at ei gilydd a chreu cyfleoedd i fyfyrio’n feirniadol a chymryd rhan. Dyma rai cyfleoedd i’ch helpu chi:

• Academi Wales (cyrsiau preswyl, rhaglenni datblygu arweinyddiaeth, cyrsiau byr a dosbarthiadau arbenigwyr)
• Cwrs hyfforddi Catalydd Datblygu Ymarfer a Gyfoethogir gan Dystiolaeth (DEEP): gwneud penderfyniadau ar y cyd*
• Rhaglen Datblygu Rheolwyr Tîm.
  

*Mae’r digwyddiadau hyn yn cael eu cynnal drwy gydol y flwyddyn. Gallwch chi chwilio drwy ein tudalen digwyddiadau neu gysylltu â'r grwpgwybodaeth@gofalcymdeithasol.cymru i gael gwybod pryd bydd y sesiwn nesaf yn cael ei chynnal os nad yw’n cael ei hysbysebu ar hyn o bryd.

Rhannu a dysgu

Rydyn ni wedi sefydlu cymunedau ymarfer i rannu gwybodaeth, gwella a datblygu gwybodaeth a sgiliau. Mae rhagor o wybodaeth am sut mae’r model hwn yn gweithio yma:

• Rhaglen Climb – Dragon’s Heart Institute*
• Ymuno â chymuned.

*Mae’r rhain yn gyfleoedd sy’n cael eu cynnal ar adegau penodol yn ystod y flwyddyn. Gwiriwch y dyddiadau gyda’r darparwyr.