Cymuned Ddigidol

Mae Cymuned Ddigidol Gofal Cymdeithasol Cymru yn fan lle gallwch feithrin eich hyder gyda dulliau digidol, dysgu o brofiadau eraill, archwilio technoleg newydd a gwneud cysylltiadau.

Does dim ots os ydych chi’n dechrau ar eich taith ddigidol neu eisoes yn archwilio technolegau sy’n datblygu, mae croeso i chi ymuno.

Gweledigaeth y gymuned yw creu sector lle mae digidol yn cael ei defnyddio'n hyderus i ddarparu gofal gwell.

Mae’n cynnig cymysgedd o gyfleoedd ar-lein ac wyneb yn wyneb i gysylltu a dysgu gan aelodau eraill.

Rydyn ni'n cynnal digwyddiadau cymunedol yn rheolaidd sy’n cwmpasu ystod o bynciau perthnasol. Mae gan aelodau hefyd fynediad at blatfform ar-lein, lle gallan nhw drafod pynciau ar ein bwrdd negeseuon, darllen neu ysgrifennu blog, a chael mynediad at ystod o adnoddau defnyddiol.

Ymunwch â’r Gymuned Ddigidol os ydych chi:

• yn gweld digidol yn heriol ond yn chwilfrydig ynghylch sut y gallai gefnogi gofal cymdeithasol
• yn gweithio gyda digidol a thechnoleg yn eich rôl ac eisiau cydweithio ag eraill
• yn datblygu eich sgiliau digidol ac eisiau rhannu dysgu a dysgu gan eraill

Os hoffech chi rannu eich llwyddiannau yn y maes digidol neu siarad am sut mae eich gwaith yn mynd i’r afael â heriau drwy ddefnyddio digidol er budd gofal cymdeithasol, cysylltwch â rheolwr y gymuned, Lilla Vér.

Gallwch hefyd ddod o hyd i wybodaeth am ein Cymuned Ddata ar wahan yma.